Verbanne dokter praktiseer in Kaap
2012-01-15 13:15
Kaapstad – 'n Suid-Afrikaanse dokter wat in die Verenigde Koninkryk en Australië verban is, behandel pasiënte onder 'n nuwe naam in Kaapstad.
Dr. Maurice Saadien-Raad, wat op aanklagte van wangedrag, bedrog en seksuele teistering skuldig bevind is, is twee weke gelede uit sy spreekkamer in die Prosper mediese sentrum in Plumstead geskop nadat die eienaar van die gebou sy regte identiteit uitgevind het.
Maar sy beweerde onbevoegdheid en gewoonte om administratiewe personeel te vra om hom te help om toetsuitslae te ontleed, het die gebou-eienaar onmiddellik laat lont ruik toe hy in 'n Jaguar by die werk opdaag.
Die gebou-eienaar, wat anoniem wil bly, het toe 'n privaatspeurder aangestel om die dokter se agtergrond te ondersoek.
Die ondersoek het 'n rits oortredings deur Saadien-Raad, wat beweer sy ouers is Afrikaans en Libanees en dat hy Engels, Afrikaans, Arabies en Xhosa kan praat, onthul.
Saadien-Raad het by monde van sy prokureur gesê 'n ondersoek word deur die Raad op Gesondheidsberoepe van Suid-Afrika (RGSA) gedoen en dat dit onvanpas sal wees om kommentaar te lewer.
– Lees meer hier
– Volg Nuus24 op Twitter