‘Vat hande teen plaasaanvalle’
2010-04-21 23:29
Jan Bezuidenhout, Landbou.com
Johannesburg - Boere, werkers en plaasbewoners het mekaar nodig as teenwig vir plaasaanvalle en -moorde, en hulle moet hande vat, sê die voorsitter van die parlementêre komitee vir Polisie, me. Cindy Chikunga.
Sy het Dinsdag ‘n spesiale vergadering van dié komitee byeengeroep nadat landbou.com se petisie, Stop plaasmoorde, op 25 Maart aan haar oorhandig is.
Verskeie organisasies in die landbou is genooi om voorleggings aan die komitee voor te hou, waarna ‘n tyd vir vra toegelaat is. Mnr. André Botha, voorsitter van Agri SA se veiligheidskomitee was eerste aan die beurt en in vraetyd moes Botha vrae van komiteelede beantwoord.
Ander voorleggings was deur mnr. Ishmail Motala van die United South African Agricultural Association (USAAA), wat sowat 1800 boere in die Wes-Kaap verteenwoordig; deur die vakbond Food and Allied Workers Union (FAWU), en deur Rudnet, ‘n nie-regeringsorganisasie wat hom beywer vir die opheffing van plaaswerker-gemeenskappe.
Botha het Agri SA se afkeer in plaasmoorde uitgespreek en die moorde van boere, werkers en hul gesinslede ten sterkste veroordeel. “ ‘n Veiligheidsaanslag alleen kan nie die pobleem oplos nie, ‘n geïntegreerde misdaadvoorkomings- en bestuursplan is nodig. Doeltreffende optrede teen korrupte elemente in die SA Polisiediens is ook nodig.”
Lees meer hier.