Vanderbijlpark lê onder sneeu

2012-08-07 10:50

Nuus24-gebruiker Hein Gouws het dié foto by sy huis in Vanderbijlpark geneem.

Johannesburg – Inwoners van Vanderbijlpark het wakker geword met sneeu wat oor die stad gesprinkel lê.

Laetitia van den Heever, eienaar van ‘n gastehuis, sê dit sneeu gewoonlik een keer in vyf of ses jaar in die gebied. Sy sê dit lyk “lieflik.”

“[Die sneeu] het liggies op die plante gaan lê. Dit is pragtig; dit lyk soos Kersfees,” het sy gesê.

Van den Heever sê dit het teen 08:00 weer “in alle erns” begin sneeu.

Jan Vermeulen, weervoorspeller by die Suid-Afrikaanse weerdiens, sê swaar wolke hang oor Vereeniging en dat ligte sneeu vir die suide van Gauteng voorspel word.

Berigte doen ook die ronde dat Bethlehem en Clarens in die Vrystaat ook ligte sneeu gekry het.

Vermeulen sê die koue weer sal Woensdag verbeter, maar nóg ‘n koue front sal Vrydag die land vanaf die suidweste tref.

– Hoe lyk die weer in jou geweste? Stuur jou foto’s na [e-mail].

Volg Nuus24 op Twitter  

- SAPA