Valke slaan toe op vermeende kapers
2012-12-03 08:04
Johannesburg – Die Valke het vier vermeende kapers in Tembisa, oos van Johannesburg, in hegtenis geneem, het die polisie in Gauteng gesê.
"Lede van die Valke van Gauteng het toegeslaan op kapers in Tembisa en het vier verdagtes in hegtenis geneem wat glo verantwoordelik is vir verskeie kapings in Gauteng," het lt. kol. Lungelo Dlamini in 'n verklaring gesê.
Die mans is geïdentifiseer tydens 'n operasie wat 'n paar maande gelede begin het, waartydens verskeie voertuie gevind en aan die eienaars terugbesorg is.
"In die proses van die operasie, is lasbriewe uitgereik en hulle is tydens 'n klopjag, wat 03:00 vandag (Maandag) begin het, in hegtenis geneem."
Die verdagtes sal binnekort in die Tembisa-landdroshof verskyn.
"Een van die verdagtes is reeds in hegtenis geneem in verband met 'n kaping in Sandringham en verskyn vandag (Maandag) in die Johannesburg-landdroshof," het Dlamini gesê.
– Volg Nuus24 op Twitter
- SAPA
