Valke slaan toe op bordele in Oos-Rand

2012-12-01 09:30

Johannesburg – Die Valke het 'n klopjag op twee bordele aan die Oos-Rand uitgevoer het, het die polisie Saterdag gesê.

Kaptein Paul Ramaloka het gesê die klopjagte het Vrydag plaasgevind en 23 mense is in hegtenis geneem.

"Ons het ook R31 000 kontant gekonfiskeer," het hy gesê

Sewe buitelanders is in die eerste klopjag in Malvern in hegtenis geneem.

"Vier vroue was van Thailand en twee ander van China. 'n Man, wat vermoedelik die eienaar van die bordeel is, is ook vasgekeer," het hy gesê.

By die tweede klopjag in Edenvale is 14 vroue van Thailand en 'n Suid-Afrikaanse vrou in hegtenis geneem.

Twee mans is ook vasgetrek.

Die verdagtes sal Maandag almal in die landdroshof in Germiston verskyn.

Volg Nuus24 op Twitter.

- SAPA