Valke slaan toe op Nico Henning se eiendom

2012-05-17 10:04

Pretoria – Die Valke en beamptes van die nasionale vervolgingsgesag het eiendom van die vermoorde Chanelle Henning se vervreemde man, Nico, deursoek, berig Eyewitness News.

Volgens bronne is mnr. Henning se onderneming en 'n huis in Rustenburg deursoek en twee vliegtuie, wat in sy besit is, word ook deursoek.

Dit is nie bekend waarna owerhede op soek is nie en mnr. Henning is nie in hegtenis geneem nie.

Die staatsaanklaers het aan Eyewitness News gesê mnr. Henning is 'n verdagte, terwyl hy nog altyd volgehou het dat hy niks met die misdaad te doen gehad het nie.

Twee mans is vir die moord op me. Henning veroordeel, terwyl nóg twee in November verhoor word.

Henning is verlede jaar doodgeskiet minute nadat sy haar seun by 'n kleuterskool in Faerie Glen, oos van Pretoria, afgelaai het.

– Lees meer hier

– Volg Nuus24 op Twitter