Valke ondersoek "moord" op Facebook-foto
2011-08-28 09:30
Johannesburg – Die Valke ondersoek 'n foto op Facebook waarop 'n wit man glo met 'n geweer oor die lyk van 'n swart kind staan, het die Sunday Times berig.
Dié foto is op die profiel van 'n gebruiker genaamd "Eugene Terrorblanche".
"Terrorblanche" het teen Saterdag 590 "vriende" op die sosiale netwerk gehad.
Zweli Mnisi, woordvoerder vir Nathi Mthethwa, minister van polisie, het gesê die minister het gevra dat 'n ondersoek gedoen word, en het 'n beroep gedoen op die man op die foto of enigiemand wat hom ken om na vore te kom.
"Indien dit 'n regte voorval uitbeeld, moet diegene wat verantwoordelik is, gestraf word."
Enigeen wat deels verantwoordelik is vir die publisering van die foto, of die profiel geskep en diegene wat dit gesien, maar versuim het om dit aan te meld, kan vervolg word.
– Volg Nuus24 op Twitter
- SAPA