Valke ondersoek Samora Machel-vliegramp

2012-12-12 17:50

Johannesburg – Pres. Jacob Zuma het die groenlig gegee vir 'n nuwe ondersoek na die vliegramp waarin pres. Samora Machel van Mosambiek gesterf het, berig Eyewitness News.

Machel en 33 ander insittendes het in Oktober 1986 gesterf toe ’n Russiese Toepolef 134-vliegtuig naby Komatipoort teen ’n heuwel net binne Suid-Afrika gebots het.

"Ons het onlangs die ondersoek begin. Ons wil nie sê of ons leidrade of enigiets anders het nie," het kapt. Paul Ramaloko, woordvoerder van die Valke, gesê.

"Al wat ons wil sê is dat 'n span die ongeluk ondersoek."

Regter Cecil Margo het Suid-Afrika in 1987 vrygespreek van alle betrokkenheid by die ongeluk.

Margo het gesê 'n vlieëniersfout het die ongeluk veroorsaak.

– Lees meer hier

– Volg Nuus24 op Twitter