Vakbonde: Kom terug, Zuma
2010-08-26 14:54
Corné van Zyl
Kaapstad - "Zuma moet terugkeer Suid-Afrika toe, sy land het hom nou nodig."
Dit is die boodskap van vakbondleiers, wat Donderdag herhaaldelik voor die parlement gevra waarom pres. Jacob Zuma in China is terwyl sy land in ’n krisis is.
Duisende werkers het voor die parlement bymekaar gekom om weereens 'n memorandum aan Richard Baloyi, minister vir die staatsdiens en administrasie, te oorhandig.
Volgens James Kruger, Wes-Kaapse voorsitter van die National Education, Health and Allied Workers Union (Nehawu), onderskat die regering die vermoë van die werkers.
Hy het gewaarsku dat indien die regering nie toegee aan die eise van 8.6% salarisverhoging en R1000 huistoelaag nie, die staking volgende week gaan erger word.
Kruger het ook bygevoeg dat hulle die privaatsektor nou vra om die werkers te kom ondersteun deur ook hulle gereedskap neer te sit en deel te word van die staking.
Pres. Zuma is vandeesweek in Sjanghai as deel van sy staatsbesoek aan China.
Volg Nuus24 op Twitter.