'Vakansiegangers op paaie móét rus'

2012-12-11 12:14

Kaapstad – Verkeersowerhede erken dit gaan nie ‘n maklike taak wees om motoriste wat oormoeg is, te noop om stil te hou en ‘n blaaskans gedurende hulle reise te neem nie.

Eyewitness News berig beamptes gaan tydens vanjaar se feesseisoen op uitputting fokus.

Robin Carlisle, LUR vir vervoer in die Wes-Kaap, sê hy wil hê polisiebeamptes moet moeë motoriste dwing om te rus.

“...Elke liewe langafstandvoertuig sal afgetrek word en die bestuurder sal noukeurig vir uitputting ondersoek word.”

Hy sê die taxi-bedryf stel ook maatreëls in plek om te verseker dat bestuurders nie agter die stuur aan die slaap raak nie.

Andy Visser, ‘n woordvoerder vir die N3-snelweg se tolkonsessie, het vroeër aan East Coast Radio gesê verkeer sal vandeesweek drasties toeneem wanneer vakansiegangers vir die Kersseisoen na hul bestemmings reis.

Sy sê die komende naweek is gewoonlik die besigste tyd op die land se paaie.

Volg Nuus24 op Twitter