Uurglas loop leeg vir Malema
2013-02-18 13:35
Johannesburg – Julius Malema, voormalige president van die ANC-jeugliga, het tot Maandag kans om aan te dui of hy 'n aansoek van die Suid-Afrikaanse Inkomstediens gaan teenstaan om hom te sekwestreer, berig RSG.
Luidens dokumente wat vandeesweek by die Pretoriase hooggeregshof ingedien is, skuld Malema die SAID R16 miljoen en is “feitelik insolvent en in geen posisie om sy skuld aan die SAID te betaal nie.”
Indien die aansoek suksesvol is of nie teengestaan word nie, sal al Malema se eiendomme onder kuratorskap geplaas en opgeveil word om sy skuld af te betaal.
'n Veiling word ook Vrydag in Ladana, Polokwane beplan, waar ondermeer DVD-spelers, kuns, meubelstukke en yskaste opgeveil word. Malema se vaste eiendom sluit 'n kleinhoewe in Polokwane en huise in Polokwane, Florapark en Sandton in.
– Volg Nuus24 op Twitter
