Uitbetaling aan familie was Bees se idee
2011-10-21 21:13
Johannesburg – Die staat het nie die ooreenkoms wat tot ‘n uitbetaling van R750 000 deur Bees Roux aan die familie van die metro polisiebeampte wie hy doodgeslaan het, geïnisieer nie.
Die nasionale direkteur van openbare vervolging Menzi Simelane het in ‘n toespraak by die Universiteit van Pretoria gesê dat Roux die familie van die metro polisiebeampte sersant Ntshimane Johannes Mogale gekontak het.
Volgens Simelane het Roux aanvanklik ‘n aanbod van R250 000 aan die familie gemaak.
Die aanbod is na R750 000 verhoog en Mogale se vrou het in ‘n brief aan Bees Roux gevra dat hy sal instem tot die ooreenkoms.
Roux is van die moord op Mogale aangekla nadat hy die 38-jarige metro polisiebeampte doodgeslaan het.
Volgens Simelane het sy kantoor versoek dat die hof Bees Roux deur middel van 'n hofbevel aangesê om die uitbetaling van R750 000 te maak ingeval Roux teruggaan op sy woord.
Volg Nuus24 op Twitter.
- SAPA