UV-professor dood gevind

2012-12-17 10:43

Bloemfontein – Die hoof van die mediese skool by die Universiteit van die Vrystaat is Sondag dood in sy huis deur paramedici in Bloemfontein gevind, het OFM berig.

'n Woordvoerder vir die universiteit, Lacea Loader, het gesê die polisie vermoed geen vuilspel nie.

Die 60-jarige prof. Raymond Smego is in September vanjaar aangestel en was besig om vanaf die VSA na Suid-Afrika te verhuis.

Sy vrou, Mounifa, wat nog nie in Suid-Afrika aangekom het nie, het die polisie in kennis gestel nadat sy gesukkel het om haar man te kontak.

"Ons is baie geskok oor prof. Smego se skielike heengaan en wil graag ons medelye met sy familie betuig," het prof. Gert van Zyl, dekaan van die fakulteit van gesondheidswetenskappe, gesê.

Volg Nuus24 op Twitter.