Twee vroue en baba vermoor
2010-02-08 20:30
Johannesburg – Twee vroue en ‘n baba is oor die naweek in die Mthatha-omgewing vermoor, het polisie in die Oos-Kaap Maandag gesê.
Volgens supt. Mzukisi Fatyela is ‘n 80-jarige vrou se lyk Sondag in haar bed in Chulunca in die Mhlontlo munisipaliteit gevind met drie steekwonde.
“Niemand is nog in hegtenis geneem nie, maar ‘n 31-jarige man is vir ondervraging ingeneem,” het Fatyela gesê.
In ‘n onverwante voorval is ‘n 38-jarige vrou en haar vyf maande oue baba dood en toegedraai in komberse onder ‘n bed gevind.
Dit het in Gqutyuni in Ngcobo buite Mthatha plaasgevind.
“Hulle is op 3 Februarie as vermis aangemeld,” het Fatyela gesê.
“Daar word vermoed fat hulle toe al vermoor is, aangesien die polisie ‘n sterk reuk van verroting geruik het toe hulle by die huis aangekom het.”
Die vroue het die laaste drie jaar in die huis gewoon.
Beide die vrou en haar kind is verwurg en die vrou het ook ‘n steekwond gehad.
Niemand is nog in hegtenis geneem nie en moordsake is oopgemaak by die Ngcobo-SAPD.
“Ons weet nie wat die motief is nie, maar ondersoek alle moontlikhede,” het Fatyela gesê.
Sapa