Twee verdagtes sterf in skietery
2010-05-19 13:39
Johannesburg – Twee mense is dood en ‘n derde ernstig beseer in aparte skietvoorvalle tussen die polisie en beweerde rowers in NU16, Mdantsane, het die polisie Woensdag gesê.
Volgens kapt. Mluleki Mbi, polisiewoordvoerder in die Oos-Kaap, het die skietery Dinsdag plaasgevind toe die polisie op soek was na twee verdagtes wat moontlik gekoppel kan word aan gewapende rooftogte in dié area die afgelope paar weke.
“Die verdagtes het in die veld geskuil en die op die polisie begin skiet. Die polisie het teruggeskiet en een verdagtes doodgeskiet. Nog ‘n verdagte is gewond,” het Mbi gesê.
Die polisie het daarna ‘n wenk opgevolg en ‘n tweede verdagte vasgetrek. Hy het op die polisie begin skiet en hulle het teruggeskiet. Hy het op die toneel gesterf.
Die verdagte wat tydens die eerste skietvoorval gewond is, sterk onder polisiebewaking in die hospitaal aan.
“Wenke vanaf die gemeenskap speel in ‘n belangrike rol in die geveg teen misdaad,” het Mbi gesê.
- Sapa
Volg Nuus24 op Twitter.