Twee vas wat besigheid beroof
2011-07-18 19:27
Johannesburg – Twee mense is in hegtenis geneem nadat hulle verbind is met ‘n gewapende rooftog in Zinniaville in Rustenburg, het die polisie Maandag gesê.
Volgens lt. kol. Sabata Mokgwabone is die mans, onderskeidelik 24 en 35 jaar oud, in hegtenis geneem in verband met hul beweerde rol in ‘n gewapende rooftog wat Saterdag plaasgevind het.
Vyf gewapende mans het veiligheidswagte by ‘n onderneming in Zinniaville vasgebind en koper-kabels, ‘n motorbattery, ‘n kringtelevisie-kamera en ‘n kruiwa gesteel.
Toe hulle van die toneel gevlug het, het hulle ‘n rol koper-kabels op die dak van die gebou gelos.
Volgens Mokgwabone is die twee mans Sondagaand in hegtenis geneem toe hulle die kabels wat hulle agtergelaat het, by die onderneming wou gaan haal.
Die drie ander rowers is steeds op vrye voet.
- Volg Nuus24 op Twitter
- SAPA