Twee vas vir moord op tiener

2013-01-19 14:53

Johannesburg – Twee mans, onderskeidelik 20 en 22 jaar oud, is in hegtenis geneem in verband met 'n moord in Willowvale, het die Oos-Kaapse polisie gesê.

Hulle is Vrydag in hegtenis geneem ná hulle geïmpliseer is in die moord van 'n tiener wat Donderdag in die Nyumbeni-gebied dood is, het kapt. Jackson Manatha gesê.

Een van die twee mans was na bewering in 'n verhouding met 'n familielid van die jeugdige wat vermoor is, betrokke.

Die aanvallers het gesien hoe die jeugdige saam met die meisie loop, en het gedink hy is haar nuwe kêrel.

"Toe die 19-jarige man terugkeer ná hy saam met die meisie geloop het, het hy die twee verdagtes raakgeloop. Hulle [was] gewapen met stokke en messe en het hom aangeval," het Manatha gesê.

'n Verbyganger het op die beseerde tiener afgekom en hom na die Thafalofefe-hospitaal geneem, waar hy later dood is.

Die twee mans is in hegtenis geneem en van moord aangekla.

– Volg Nuus24 op Twitter.

- SAPA