Twee vas oor R650 000 se goud

2012-11-29 17:21

Johannesburg – Twee mans is by 'n hotel in Oos-Londen in hegtenis geneem nadat hulle glo probeer het om goud ter waarde van R650 000 aan polisiebeamptes te verkoop, het die polisie in die Oos-Kaap Donderdag gesê.

Lt. Khaya Tonjeni het gesê die mans is van die Demokratiese Republiek van die Kongo en is Woensdag in hegtenis geneem.

"Die twee verdagtes het probeer om 1,459 kg goud ter waarde van R650 000 aan polisiebeamptes te verkoop. Hulle het die goud vir R100 000 verkoop," het Tonjeni in 'n verklaring gesê.

"Daar is ook vasgestel dat die verdagtes op asielpermitte in Suid-Afrika woon."

Die mans, 29 en 32 jaar oud, sal binnekort op aanklagte van die handel en onwettige besit van goud in die hof verskyn.
     
– Volg Nuus24 op Twitter

- SAPA