Twee tronk toe wat 14-jarige verkrag
2012-01-19 20:58
Johannesburg – Twee mans is elk tot 15 jaar gevangenisstraf gevonnis in die Moretele-landdroshof nadat hulle ‘n meisie agt jaar gelede verkrag het, het die polisie in Mpumalanga Donderdag gesê.
Steven Ramalepa en Paris Morolo is skuldig bevind aan dié daad, het sers. Hastings Chaane gesê. Hulle is Woensdag in die gevangenis opgeneem.
Die twee, albei 28 jaar oud, is op 29 Maart 2004 in hegtenis geneem, ‘n dag nadat hulle die meisie in Marapyane verkrag het. Sy was in dié stadium 14 jaar oud.
“Die tiener het omstreeks 19:00 van ‘n winkel af huis toe gestap toe die mans haar gegryp het. Hulle het haar met ‘n mes gedreig en haar langs die kant van die pad om die beurt verkrag.”
- Volg Nuus24 op Twitter
- SAPA