Twee sterf in Kaapstad-brande

2012-08-12 09:54

Kaapstad – Twee mans is oor die naweek in twee brande in Kaapstad dood, het die stad se rampbestuursentrum Sondag gesê.

'n 37-jarige man is onherkenbaar verbrand toe 'n struktuur in 'n agterplaas in Nqgawustraat in Khayelitsha Sondag afgebrand het, het Wilfred Solomons-Johannes, die sentrum se woordvoerder, gesê.

Die tweede man is Saterdag dood toe sy plakkershut in 'n brand in die New Rest- informele nedersetting in Nyanga vernietig is.

"Die omstandighede in verband met hierdie voorvalle is nie bevestig nie. Die identiteit van die slagoffers is nog nie bekendgemaak nie."

'n Geregtelike doodsondersoek sal in albei gevalle volg.

– Volg Nuus24 op Twitter.

- SAPA