Twee sterf, 12 beseer ná motors, taxi bots

2013-01-24 07:16

Johannesburg – Twee mense is dood en 12 ander mense is ernstig beseer nadat drie voertuie en 'n taxi in Chatsworth, Durban, gebots het, het paramedici gesê.

Die oorledenes is in die taxi gevind en verskeie ander mense het met paramedici se aankoms in die pad gelê, het Garrith Jamieson, woordvoerder van Rescue Care, gesê.

"Die oorledenes was vasgekeer en het weens hul beserings gesterf."

Die ongeluk het Woensdagmiddag plaasgevind en verkeer in die gebied is erg ontwrig en die pad is gesluit terwyl nooddienspersoneel besig was op die toneel.

Nooddienspersoneel het reddingskake gebruik om die vasgekeerde passasiers te bevry.

Die oorsaak van die ongeluk is nie bekend nie.
     
– Volg Nuus24 op Twitter

- SAPA