Twee ontsnap uit aanhoudingselle
2011-12-08 13:09
Kaapstad – Die polisie ondersoek hoe twee mans uit die aanhoudingselle van 'n polisiekantoor in die Suid-Kaap ontsnap het, het 'n woordvoerder gesê.
Een van die ontsnapte gevangenes, wat teregstaan op aanklag van poging tot moord, is kort ná die ontsnapping aangekeer.
Die polisie is egter nog op soek na Edwin Jacobs, wat na bewering 'n 24-jarige man in George aangerand en geskiet het.
Bernadine Steyn, polisiewoordvoerder, het gesê mense met inligting moet die ondersoekbeampte by die polisiekantoor kontak.
– Lees meer hier
– Volg Nuus24 op Twitter