Twee motorfietsryers sterf in ongelukke
2011-07-24 19:02
Johannesburg – Twee motorfietsryers is oor die naweek in afsonderlike ongelukke in Noordwes dood, het die departement van menslike nedersettings, openbare vervoer en skakelwerk gesê.
Lesiba Kgwele, woordvoerder, het gesê ‘n 32-jarige motorfietsryer het Saterdagaand reg van voor teen ‘n motor op die Ou Pretoria-Rustenburg-pad gebots.
“Die motor het in Rustenburg se rigting gery toe die bestuurder ‘n ander voertuig verbygevat en teen die motorfiets gebots het. Die beseerde motorfietsryer is in ‘n kritieke toestand na die Shimankana Tabane-provinsiale hospitaal geneem, waar hy Sondagoggend gesterf het,” het Kwele gesê.
Die bestuurder van die motor is nie beseer nie, het hy gesê.
Die tweede motorfietsryer (37) het op die Rustenburg-Magalies-pad gesterf toe hy ook reg van voor teen ‘n motor gebots het.
Hy het Sondagoggend in die Life Peglerae-hospitaal gesterf.
Desbo Mohono, LUR vir menslike nedersettings in die provinsie, het die ongelukke op alkohol blameer, het Kgwele gesê.
Volgens hom is drank gevind in albei motors wat by die ongelukke betrokke was.
Die polisie ondersoek sake van moontlike manslag, dronkbestuur en roekelose en nalatige bestuur.
Niemand is nog in hegtenis geneem nie.
- Volg Nuus24 op Twitter
- SAPA