Twee mense sterf in ongeluk
2010-09-06 01:14
Johannesburg – Twee mense is Sondagoggend dood in ‘n padongeluk op die N2 naby Doti, tussen Dutywa en Mthatha, het die Oos-Kaapse polisie gesê.
Die ongeluk het omstreeks 00:45 gebeur toe ‘n Opel Corsa agter ‘n Mazda 323 gery het, het kapt. Lingisile Magama gesê.
Die Mazda het regs gedraai toe die Corsa glo probeer het om die voertuig verby te vat.
Die Corsa het daarna teen die regterkant van die Mazda gebots.
Twee passasiers van die Mazda, ‘n 27-jarige vrou en ‘n 38-jarige man, is dood. Die vrou was glo ‘n onderwyseres.
‘n Derde passasier van die Mazda is beseer terwyl die bestuurder geen beserings opgedoen het nie.
Die bestuurder en twee passasiers in die Corsa is tydens die ongeluk beseer.
‘n Saak van strafbare manslag is deur die polisie oopgemaak.
Volg Nuus24 op Twitter.
- SAPA