Twee mans vermis ná trapboot sink

2012-12-12 12:49

Johannesburg – Twee mans word vermis nadat hul boot op ‘n rivier in die Oos-Kaap gesink het, het die nasionale seereddingsinstituut (NSRI) gesê.

Craig Lambinon, ‘n woordvoerder, sê die klein trapboot het Woensdag omstreeks 05:00 op die Mtentu-rivier tussen Bizana en Port Edward omgekeer.

Hy sê die rivier oorstroom nog weens vloede in die gebied.

‘n Soektog na twee mans is van stapel gestuur nadat die ander een na veiligheid geswem het.

Lambinon sê dis moeilik om toegang tot die gebied – wat sowat 25 km van Port Edward geleë is – te kry.

Volg Nuus24 op Twitter  

- SAPA