Twee lyke langs pad in KZN gevind

2012-01-13 22:10

Johannesburg – ‘n Man en vrou se lyke is Vrydag langs die pad in Inanda in KwaZulu-Natal gevind, het die polisie gesê.

Verbygangers het die lyke omstreeks 16:00 langs Inanda-weg gesien en het die polisie gekontak, het lt. kol. Vincent Mdunge gesê.

Hulle het koeëlwonde in die kop en bobeen gehad.

Die motief vir die moorde was nie onmiddellik bekend nie.

“In hierdie stadium kan ons nie bevestig of die twee ‘n paartjie was nie.”

Twee dossiere vir moord is geopen.

– Volg Nuus24 op Twitter



 

- SAPA