Twee jongmense sterf in tragiese motorongeluk
2010-05-16 20:22
Johannesburg – Twee mense is dood en vyf ander beseer nadat hul Volkswagen Polo Saterdagaand beheer op die R31 buite Barkly-Wes in die Noord-Kaap verloor het, het paramedici gesê.
Die twee oorledenes het tydens die ongeluk uit die voertuig geskiet.
Een se lyk is in die bosse gevind terwyl die ander een, ‘n negejarige seun, in ‘n doringboom gevind is, het Vanessa Jackson van ER24 gesê.
Vyf beseerde mans was nog in die voertuig toe iemand op die toneel afgekom het.
Skoene en papiere, wat soos eksamenvraestelle gelyk het, was oor die toneel versprei.
Hulle is almal hospitaal toe geneem.
“In hierdie stadium is dit onduidelik hoekom die voertuig van die pad afgewyk het en so ‘n slagting veroorsaak het waarin twee jong mense hul lewens verloor het,” het Jackson gesê.
- Sapa
Volg Nuus24 op Twitter.