Twee gesien ná moord op Pta-treindrywer

2012-12-28 07:45

Johannesburg – Twee mans het 'n spoorlyn oorgesteek kort nadat 'n treindrywer in sy lokomotief vermoor is, het die polisie Donderdag gesê.

Lt. kol. Lungelo Dlamini , polisiewoordvoerder, het gesê twee selfone is op die moordtoneel gesteel, "moontlik deur twee mans wat die spoorlyn oorgesteek het kort ná die trein stilgehou het".

Die treindrywer, JP du Plessis, is Dinsdag in 'n stilstaande trein buite die Hercules-stasie in Pretoria doodgesteek.

Dlamini het Donderdag gesê Du Plessis is vermoedelik ook met 'n stomp voorwerp geslaan.

Niemand is nog in hegtenis geneem nie, maar die polisie is besig om leidrade op te volg.

Die Passasierspooragentskap van Suid-Afrika (Prasa) het vroeër in 'n verklaring gesê Metrorail-treine sal ter herinnering van Du Plessis nie op Nuwejaarsdag loop nie.

– Volg Nuus24 op Twitter

- SAPA