Twee dood, drie beseer in ongeluk
2010-02-27 05:37
Johannesburg – Twee mense is dood en drie ander beseer toe hul motor Vrydag op die KwaMashu-hoofweg omgeslaan het, het KwaZulu-Natal se paramedici gesê.
Volgens Derrick Banks, woordvoerder van ER24 was geen ander voertuie in die ongeluk betrokke nie. Die motor het verskeie kere gerol voordat die passasiers uitgeslinger was.
Twee mense is op die toneel dood verklaar, terwyl die ander twee ernstig beseer is.
'n Derde persoon het ligte beserings opgedoen. Al drie is na ‘n nabygeleë hospital geneem.
Die oorsaak van die ongeluk is nog nie bekend nie.
- Sapa