Twee dood, drie beseer in Coligny-ongeluk

2012-12-29 13:42

Johannesburg – Twee mense is dood en drie ander beseer in 'n ongeluk naby Coligny, het die polisie Saterdag in Noordwes gesê.

Volgens kapt. Amanda Funani was die familie vanaf Johannesburg onderweg na Mahikeng toe die bestuurder beheer oor die voertuig verloor het.

"Die bestuurder van 'n Fiat Palio het nie spoed om 'n draai verminder nie waarna die motor die pad verlaat en twee keer gerol het."

'n Drie-en-twintigjarige is op die toneel dood terwyl 'n 54-jarige op pad na die hospitaal gesterf het.

'n Negejarige meisie is onder die drie mense wat na 'n hospitaal geneem is.

– Volg Nuus24 op Twitter.

- SAPA