Twee beseer in Vrystaat-ontploffing

2012-01-13 22:10

Bloemfontein – Twee mense is Vrydagmiddag in ‘n klein ontploffing by ‘n woonstelblok in Bloemfontein beseer, het die polisie in die Vrystaat gesê.

Woordvoerder sers. Thabo Litabe sê twee mense is by die Pelonomi-hospitaal behandel.

Een is ontslaan met ligte beserings en die tweede persoon se toestand was onbekend.

Volgens Litabe blyk dit of drie mense boks in die woonstel rondgeskuif het wat deur iemand se oupa daar gelos is.

Terwyl hulle dit geskuif het, het die lont van ‘n 16 millimeter mortierbom uitgeval en ontplof.

Die polisie ondersoek die voorval.

– Volg Nuus24 op Twitter

 

- SAPA