Tutu verdoem inligtingswet
2011-11-21 23:07
Kaapstad – Die Wetsontwerp op die Beskerming van Inligting is gebrekkig en ‘n belediging vir Suid-Afrikaners, het emeritus-aartsbiskop Desmond Tutu gesê.
“Dit is ‘n belediging aan alle Suid-Afrikaners om te verwag dat hulle 'n wetsontwerp wat ondersoekende joernalistiek teenstaan aanvaar,” het hy in ‘n verklaring gesê.
Die Nasionale Vergadering stem Dinsdag oor dié omstrede wetsontwerp.
Tutu het ‘n beroep aan alle lede van die parlement gedoen om die teenreaksie wat dié wetsontwerp veroorsaak het, in ag te neem.
“Gee gehoor aan die waarskuwings van die akademici, burgerlike gemeenskap, media, wetlike en Grondwetlike deskundiges,” het hy gesê.
“Dié wetgewing sal ons mense en ons land ‘n onreg aandoen.”
Verskeie menseregtegroepe en mediahuise dwarsoor die land sal na verwagte Dinsdag in protes teen die wetgewing betoog.
Voorsitter van die National Press Club (NPC), Yusuf Abramjee, het gesê dié dag “die begin van ‘n donker tydperk vir die vryheid van spraak en mediavryheid inlyf”.
Die NPC het ‘n beroep op almal wat die wetgewing teenstaan Dinsdag swart klere, ‘n swart strik of ‘n swart bank om hul arm dra.
Volg Nuus24 op Twitter.
- SAPA