Tutu, Madonsela is nuusmakers van die jaar
2011-12-05 22:51
Johannesburg – Emeritus-Aartsbiskop Desmond Tutu en die Openbare Beskermer, Thuli Madonsela, is aangewys as die Johannesburgse Persklub se Nuusmakers van die Jaar vir 2011.
“Beidie die aartsbiskop en die openbare beskermer het buitengewone moed, toewyding en konsekwentheid getoon in die uitleef van hul onderskeie pligte teenoor die mense van Suid-Afrika," het Mixael de Kock, voorsitter van die persklub, Maandag gesê.
“Hulle is spesifiek benoem vir die uitstekende manier waarop hulle saamgewerk het met die media en hulself toeganklik vir die media gemaak het.”
Volgens De Kock het Tutu die toekenning ontvang omdat hy die meees aangehaalde sosiale kommentator en –kritikus was.
Madonsela word geëer vir haar “onuitputlike, direkte en moedige standpunt teen immorele aktiwiteite”.
De Kock het haar werksetiek geprys, asook haar toewyding.
“Sy word ook geëer vir haar volgehoue positiewe samewerkingsverhouding met die media.”
- Volg Nuus24 op Twitter
- SAPA
