Tshwane se studente betoog
2009-08-12 12:28
Pretoria- Sowat 200 studente van die Tshwane Universiteit vir Tegnologie se Soshanguve-kampus betoog om toegang te verkry tot finansiële steun.
Volgens Gilbert Mokwatedi, woordvoerder van die universiteit, verloop die optog tot dusver vreedsaam. “Sommige klasse is wel gestaak om te verhoed dat dit ontwrig word. Die studente is ongelukkig oor finansiële steun en vervoer tussen die verskeie kampusse van die universiteit,” het Mokwatedi gesê.
Die universiteit het gemaan dat die studente die regte kanale moet volg, eerder as om te betoog.
“Die universiteit is reeds besig om aandag te gee aan die studente se kwessies.”
Daar is ook beweer dat sommige van die persone wat by die staking betrokke is nie eers ingeskrewe studente van die universiteit is nie. “Die sekuriteit is hieroor ingelig en sal teen dié kwaaddoeners optree.”
–Sapa