Tshwane-metroraad gee plakkers skuiling
2010-07-23 05:19
Gauteng – Die Tshwane-metroraad het honderde plakkers na ‘n plek van veiligheid geneem nadat ‘n hofbevel uitgeryk is.
Die hooggeregshof in Pretoria het die munisipaliteit beveel om tydelike wonings in die vorm van tente vir plakkers op dieselfde plek waarvan hul uitgesit is, op te rig.
Die Tshwane metropolisie het vroeër 69 plakkerhutte saam met inwoners se besittings by die Cemetery Estate langs Woodhill, vernietig. Dit het minder as 24uur nadat 'n uitsettings bevel aan hulle oorhandig is, plaasgevind.
Regter Jody Kollapen het ‘n dringende hofbevel uitgeryk en die stad tot 20:00 Donderdagaand gegee om die tente vir sowat 300 mense op te rig.
Die tente sal glo Vrydag opgerig word en plakkers is vir die aand na ‘n veilige plek geneem.
Volg Nuus24 op Twitter.
- SAPA