Tronkhoofde tree nie teen 'dronk' beampte op
2012-02-08 14:33
Odendaalsrus – ’n Beampte van korrektiewe dienste (DKD) op dié dorp was helder oordag, in sy uniform en aan diens só dronk dat hy nie op sy voete kon staan nie.
Hy moes op sy boude by die voordeur van die gebou uitskuif en het uiteindelik neergeslaan en kon net in ’n sittende posisie regop kom.
Ondanks ’n selfoonvideo daarvan, wat glo by talle hoofde gedraai het, is nie teen die man opgetree nie, het Beeld berig.
By nadere ondersoek is vasgestel dat ’n ander beampte met dagga en messe by dieselfde gevangenis betrap is, maar hy is steeds in dieselfde pos.
Lees meer hier
Volg Nuus24 op Twitter
- Beeld