Trio vas oor kokaïne van R1,5 milj.
2011-05-20 13:04
Johannesburg – Drie mans is in Douglasdale, Johannesburg, in hegtenis geneem nadat kokaïne ter waarde van sowat R1,5 miljoen in hul besit gevind is, het die polisie in Gauteng Vrydag gesê.
Twee Brasiliane en 'n Angolees het glo dié dwelm by 'n huis in dié voorstad vervaardig, het ao. Balan Muthan, polisiewoordvoerder, gesê.
"Ons het toerusting en dwelms soos koeksoda, wat gebruik word om die dwelm te "sny", in die huis gevind. Sover is 2,5 kg kokaïne wat sowat R1,5 miljoen werd is, gevind, maar die polisie is nog besig om die perseel te deursoek."
Die trio sal na verwagting binnekort in die Randburg-landdroshof verskyn op aanklagte van die vervaardiging en besit van dwelms.
Volg Nuus24 op Twitter
- SAPA