Treindrywers dreig met nóg stakings
2010-12-02 13:32
Kaapstad - Metrorail in die Wes-Kaap sê die vakbond, Satawu, het hulle kennis gegee van hulle planne om binne 48 uur te begin staak, het RSG berig.
Dit volg nadat treindrywers Donderdag onwettig gestaak het en duisende pendelaars gestrand gelaat is. Die werkers is ontevrede oor 'n nuwe skofstelsel.
'n Woordvoerder vir Metrorail, Riana Scott, sê werkers van albei vakbonde het vanoggend teruggekeer werk toe. Sy sê Metrorail se regspan sal die kennisgewing van voorneme om te staak, bekyk.
Volg Nuus24 op Twitter.