Treindienste tussen Jhb, Pta hervat ná ongeluk

2013-02-21 08:45

Johannesburg – Treindienste tussen Pretoria en Johannesburg is hervat nadat dienste op die roete vroeër weens 'n ongeluk opgeskort was, het Metrorail Donderdag gesê.

Metrorail sê hy is dankbaar dat pendelaars geduldig was tydens die vertragings.

Tembela Kulu, provinsiale bestuurder van Metrorail in Gauteng, het gesê alternatiewe vervoer is aan pendelaars verskaf.

Drie mense is beseer toe die trein buite die Kemptonpark-stasie in 'n voertuig vasgery het wat gebruik word om slote vir veselkabel te grawe. Die ongeluk het Woensdag plaasgevind.

Alle spoorlyne by die Kemptonpark-stasie is gesluit en die oorhoofse elektrisiteit in die gebied was af.
      
– Volg Nuus24 op Twitter

- SAPA