Trein tref man toe hy van wagte vlug

2012-07-10 10:45

Johannesburg – ‘n Trein het ‘n man raakgery terwyl hy by die Longdale-stasie in die Goudstad van veiligheidswagte weggehardloop het, het paramedici gesê.

Netcare 911 se Jeffrey Wicks sê die man is Maandagaand getref.

Daar word vermoed dat die man weggehardloop het toe veiligheidswagte besef die man het nie ‘n treinkaartjie nie, het Wicks verduidelik.

Wicks sê die man het voor ‘n passasierstrein beland toe die man probeer het om die wagte te ontduik.

Die man het weens die impak teen ‘n heining met doringdraad langs die treinspoor geland. 

Wicks sê die man het talle beserings opgedoen en is per ambulans na die Helen Joseph-staatshospitaal geneem.

Volg Nuus24 op Twitter

- SAPA