Trein ry 2 swanger vroue dood

2012-09-07 11:57

Kaapstad – Twee swanger vroue is buite die Kuilsrivier-treinstasie in die Moederstad deur ‘n trein omgery, het ‘n koerant berig.

Cape Times berig die ongeluk waarin Judith Mtumba en Sarah Njibu gesterf het, sal ondersoek word.

Besonderhede oor die gebeure is nog onduidelik, maar die treindrywer sê hy het drie mense raakgery.

“Ons het selfs onder die trein gekyk, maar daar was niks nie,” het Mthuthuzeli Swartz, provinsiale bestuurder van Metrorail, aan die koerant gesê.

Swartz het ‘n gebreekte heining uitgewys en gesê mense het dikwels kortpaaie oor die treinspoor geneem.

Volg Nuus24 op Twitter    

- SAPA