Trein ontspoor in Jhb
2010-04-18 01:36
Johannesburg - Die Treinspoorveiligheidsreguleerder (RSR) gaan ondersoek instel ná 'n trein in die weste van Johannesburg ontspoor het.
Die Shosholoza Meyl Diamond Express-trein het omstreeks 05:00 Saterdagoggend by die ingang van die Randfontein-stasie ontspoor, het Carvel Webb, 'n woordvoerder van die RSR, gesê.
Niemand is beseer nie en passasiers is per bus vanaf die stasie vervoer.
"Die RSR se inspekteurs gaan die toestand van die relevante seintoerusting en spoorinfrastruktuur ondersoek sowel as die operasionele prosedure en treinhantering wat daarmee gepaard gaan," het Webb gesê.
– Sapa