Man sterf in tragiese ongeluk in Stellenbosch
2012-02-11 22:08
Kaapstad – 'n Man is dood en ses mense is beseer toe 'n Toyota Yaris Vrydag in Stellenbosch teen 'n stilstaande Ford-sedan gebots het, het paramedici gesê.
Die ongeluk het op die R44 naby Tennantville gebeur, het Vanessa Jackson, woordvoerder vir ER24, gesê.
Die Sedan het onklaar geraak en die bestuurder was besig om uit die voertuig te klim toe hy deur die Yaris getref is.
'n Manlike passasier in die Yaris is op die toneel dood en die bestuurder van die sedan is kritiek beseer. Hy is na die Tygerberg-hospitaal geneem.
Vyf ander passasiers in die Yaris, almal glo studente in hul twintigs, het geringe beserings opgedoen en is na die Stellenbosch Mediclinic geneem.
Die bestuurder van die sedan se vrou en jong kind, wat ook in die voertuig was, is nie beseer nie.
Die polisie ondersoek die oorsaak van die ongeluk.
– Volg Nuus24 op Twitter.
- SAPA