Tragedie tref Pistorius-landdros
2013-02-26 17:45
Johannesburg – Die landdros wat borgtog aan die atleet Oscar Pistorius toegestaan het, sê hy is familie van die vrou wat haar twee kinders vergiftig het en daarna selfmoord gepleeg het.
Hooflanddros Desmond Nair het Dinsdag bevestig dat die vrou, wie se lyk Sondagaand saam met dié van haar seuns in hul huis gevind is, sy niggie is.
Die vrou se broer, Vishal Maharaj, het haar as Anusha Maharaj geïdentifiseer. Die polisie vermoed sy het haar twee kinders gif
ingegee en toe op dieselfde manier selfmoord gepleeg het.
Volgens die polisie is selfmoordbriewe op die toneel gevind.
Nair het verlede week Pistorius se saak, wat regoor die wêreld gevolg was, hanteer.
Pistorius word daarvan beskuldig dat hy sy vriendin, Reeva Steenkamp, op Valentynsdag in sy huis doodgeskiet het.
– Volg Nuus24 op Twitter
- AP
