'Toorgeld' op strand gevind

2012-12-27 14:20

Johannesburg – Vervalste banknote wat in 'n slenter gebruik word, is op 'n strand in Oos-Londen gevind, het die polisie Donderdag gesê.

'n Jong kind het Woensdag die geld in bondels R100-note by Leachesbaai opgetel, het kapt. Stephen Marais, polisiewoordvoerder, gesê.

"Daar was witpapier tussen die vervalste note gevind."

Die polisie is na die toneel ontbied.

Marais het gesê die moontlikheid bestaan dat die geld in 'n slenter bekend as die "Black Dollar Scam" gebruik word.

Hy het gesê misdadigers sal mense, veral bejaardes, nader en belowe dat hulle hul geld sal verdubbel.

Die bedrieër voeg dan 'n "spesiale stof" by die witpapier in 'n boks en wag dan sowat 30 minute vir die chemikalië om te "werk".

Die misdadigers haal dan regte note uit en sit dit bo op die papier voor hy die boks aan die slagoffer wys. Die slagoffer glo dan dat die papier in geld verander het.

Marais het gesê die polisie het beslag gelê op die vervalste note wat op die strand gevind is.
      
– Volg Nuus24 op Twitter

- SAPA