Toe skiet taximan ’n gans
2009-09-21 16:28
Durban -'n Taxibestuurder is 'n boete van R1000 opgelê nadat hy 'n gans met 'n windgeweer geskiet terwyl hy visgevang het.
Ephraim Mahange (37) van Cato Ridge het Maandag in die Pietermaritzburg-landdroshof gesê hy het dié gans, wat glo deel van 'n broeipaar is, geskiet omdat die gans en sy maat hom "bekommer" het.
Mahange was Saterdag besig om vis te vang toe hy die gans met sy windgeweer geskiet het.
Hy is beboet omdat hy buite die jagseisoen geskiet het, sonder 'n permit jag en omdat hy sonder die eienaar se toestemming gejag het.
Die gans was 'n gewilde besoeker aan seiljagklubs in Pietermaritzburg.
Daar word gevrees dat die oorlewende maat nie gou genoeg 'n nuwe maat sal kry nie.
– Sapa