Tieners wat klippe by brug afgooi pleit onskuldig

2012-08-15 12:30

Durban – Drie tieners wat van moord aangekla is nadat hulle klippe van ‘n brug gegooi het, het onskuldig gepleit in die Durban-streekhof, het The Mercury Woensdag berig.

Getrude Mankaba het saam met haar kollega Siphesihle Zola Zuma op die N3 in die rigting van die Candella-straat-brug gery toe sy klippe in die pad opgemerk het.

“Ek het my spoed verminder om om die klippe te ry toe ek 'n harde geluid in die motor hoor,” het Mankaba getuig.

Sy het ‘n entjie verder gery voordat sy stilgehou het om te kyk of haar band pap is.

Sy het gesien dat niks fout is met die motor se bande nie, maar het ‘n gat in die ruit opgemerk en het gesien Zuma is beseer deur ‘n stuk sement wat in die motor ingegooi is.

Zuma het op pad na die hospitaal gesterf.

Die twee kollegas het op die aand van 2 November 2010 teruggery van ‘n werksfunksie af.

Die tieners, wat nou 16, 17 en 18 jaar oud is, het onskuldig gepleit.

– Volg Nuus24 op Twitter

 

- SAPA