Tiener ontvoer glo baba
2010-09-20 16:23
Johannesburg – Die polisie is op soek na ‘n 18-jarige meisie wat na bewering ‘n vier maande oue babaseuntjie in Dobsonville, Soweto, ontvoer het.
“Die seuntjie se ma het hom Sondag in die sorg van sy oom gelaat terwyl sy gaan werk het,” het ao. Kay Makhubela, polisiewoordvoerder, gesê.
Die kind is uit die huis ontvoer. Die polisie het ‘n selfoon op die toneel gevind wat glo aan die verdagte behoort.
“Dit is nog onduidelik hoe die vermeende ontvoerder in die erf gekom het. Sy het die baba gevat en haar selfoon agtergelaat,” het Makhubele gesê.
Volgens die polisie was daar foto’s van die verdagte op haar selfoon wat hulle nou gebruik om haar op te spoor.
Volg Nuus24 op Twitter.
- SAPA