Tiener ná 4 maande in tronk onskuldig bevind
2010-05-26 16:20
Kaapstad – ‘n 19-jarige man, wat sowat vier maande in aanhouding was, is onskuldig bevind nadat hy van motordiefstal verdink is.
Die Bellville-streekshof het Woensdag gehoor dat Daylen Pedro daarvan verdink word dat hy sy vriend James Matelen, saam met wie hy tik gerook het, se motor probeer steel het.
Landdros Amrith Chabillal het Pedro onskuldig bevind.
“Ek hoop jou tyd in aanhouding het jou ‘n les geleer. In die oudae sou jy nog pakslae kon kry maar deesdae word dit nie toegelaat nie. Dit is eintlik al wat jy en jou vriend nodig het,” het Chabillal gesê.
- Sapa
Volg Nuus24 op Twitter.