Tien kaalbas-mans op Kaapstad-strande vas

2011-01-02 20:57

Kaapstad - Tien mans is op twee afsonderlike strande in Kaapstad in hegtenis geneem omdat hulle kaal op die strand was, het die Stad Kaapstad Sondag gesê.

Wilfred Solomons-Johannes, 'n woordvoerder, het gesê tien mans is op Nuwejaarsdag by die Strand en op Bloubergstrand in hegtenis geneem.

"Hulle is R500 elk beboet vir openbare onsedelikheid," het hy gesê.

Hy het verduidelik dat die mans die Stad Kaapstad se munisipale regulasies en die Wet op Seksuele Oortredings oortree het.

- Volg Nuus24 op Twitter

- SAPA